პორტუგალიის ნაკრებმა თურქეთი 3-0 დაამარცხა და ჯგუფიდან უკვე გავიდა.

რობერტო მარტინესის გუნდს 6 ქულა აქვს და ერთპიროვნული ლიდერის სტატუსს ფლობს.

მეორე ადგილზე თურქეთია 3 ქულით, ხოლო მესამე და მეოთხე ადგილებს ჩეხეთისა და საქართველოს ნაკრებები იკავებენ, რომლებსაც 1-1 ქულა აქვთ.

მესამე ტურში ვილი სანიოლის გუნდი პორტუგალიას შეხვდება, ხოლო თურქეთი ჩეხეთს.

თუ საქართველოს ნაკრები საოცრებას შეძლებს და პორტუგალიას დაამარცხებს, ჯგუფიდან გასვლის შანსი მიეცემა.