მადრიდის „რეალის“ ოფიციალურმა ვებ-გვერდმა ოფიციალური განცხადება გაავრცელა.

მადრიდის „რეალი“ და „ლას პალმასი“ მარვინ პარკის ტრანსფერზე შეთანხმდნენ.

პარკი გასული 2 სეზონის განმავლობაში კანარულ კლუბში იჯარის წესით თამაშობდა, ახლა კი „ლას პალმასმა“ ის გამოისყიდა.

მარვინი მადრიდულ გრანდში 2016 წელს გამოჩნდა და სხვადასხვადა ასაკობრივ გუნდში ბევრ წარმატებას მიაღწია, განსაკუთრებულია Juvenil A-სთან ერთად მოგებული ახალგაზრდული ჩემპიონთა ლიგა.

მარვინმა 2020 წელს „რეალის“ მთავარ გუნდში სადებიუტო შეხვედრა გამართა და ოფიციალურად 4 მატჩში დაეხმარა მთავარ გუნდს.

„რეალის“ ხელმძღვანელობას სურს წარმატებები უსურვოს პარკს და მადლიერება გამოხატოს იმ ღვაწლისთვის, რომელიც მან კლუბის კეთილდღეობისთვის გაიღო.