ესპანური გამოცემების ცნობით, იან ობლაკი „ატლეტიკოს“ დატოვებასთან ძალიან ახლოს არის.

დიეგო სიმეონე ახალი მეკარის ძიებაშია და „რეალში“ განვითარებულ მოვლენებს დიდი ინტერესით აკვირდება.

არსებული ცნობით, ჩოლოს ძალიან მოსწონს ანდრეი ლუნინი და მიიჩნევს, რომ თუ უკრაინელი კარის დარაჯის „მეტროპოლიტანოზე“ ტრანსფერი შედგება, „ატლეტიკოს“ კარის უსაფრთხოებაზე ზრუნვა დიდხანს აღარავის მოუწევს.

არსებული ცნობით, „როხიბლანკოს“ პრეზიდენტი, ენრიკე სერეზო ტრანსფერისთვის 30 მილიონ ევროს ამზადებს, სადაც ასევე გათვალისწინებული იქნება 5 მილიონიანი საბონუსე სისტემა მომდევნო 2 წელიწადში ლა ლიგის მოგების შემთხვევაში.

იმ შემთხვევაში, თუ ლუნინი „ბლანკოსიდან“ წასვლას გადაწყვეტს, მას ერთი სერიოზული მსურველი უკვე ჰყავს.