ფედერიკო ვალვერდემ ჟურნალისტებთან ინტერვიუ ჩაწერა და საინტერესო საკითხები მიმოიხილა...

„ჩემსა და ჯუდ ბელინგემს შორის საუბარი ინგლურ-ესპანურად მიმდინარეობს. ხანდახან ბრაჰიმ დიასს ვიხმობთ, ვინაიდან მან ორივე ენა იცის და გვეხმარება. ვფიქრობ, კომუნიკაციის პრობლემა არასდროს გვქონია.“

„არდა გიულერმა „რეალში“ შესაძლებლობების მხოლოდ 30% გამოავლინა და ყველაფერი წინ არის. დარწმუნებული ვარ, თურქი ჩვენი გუნდის ლიდერი გახდება.“

„კილიან მბაპესთან ერთად მადრიდის „რეალი“ გიჟური გუნდი იქნება. ეს არის სუპერ ტრანსფერი, რომელიც კიდევ უფრო გაგვაძლიერებს.“

„მანჩესტერ „სიტის“ წინააღმდეგ სეზონის საუკეთესო თამაში ჩავატარეთ. ეს იყო ძალიან დიდი გამოწვევა, რომელსაც „ბლანკოსმა“ სათანადოდ უპასუხა. გვარდიოლას გუნდს უდიდესი რესურსი ჰქონდა, „ქალაქელები“ დიდ ტემპს გვთავაზობდნენ და საბოლოო ჯამში ჩვენ აღმოგვაჩნდა ტემპერამენტი, რომელმაც გამარჯვებამდე მიგვიყვანა.“

„გოლების ნაკლებობა? გასულ სეზონში ჩვეულ პოზიციას დავუბრუნდი და ჩემი საქმე მხოლოდ გოლების გატანა არ იყო. ვფიქრობ, ამ მხრივ პრობლემა არ არის.“

„8 ნომერი? კროოსს დიდი მადლობა, მან საჯაროდ გამოთქვა სურვილი იმისა, რომ მისი ნომრის მემკვიდრე გავხდე.“

„15 ნომერი სიმბოლურია, ჩვენ ხომ სწორედ მე-15 თასი მოვიგეთ, თუმცა ასევე საპატიოა 8 ნომერი, რომელიც ჩემს იდეალს ჰქონდა.“

„რატომ არ შევასრულე პირობა ჩემპიონთა ლიგის მოგების შემდეგ? რა თქმა უნდა, პირობას შევასრულებ და თმას თეთრად შევიღებავ, ეს კოპა ამერიკის დასრულების შემდეგ მოხდება.“