მადრიდის „რეალის“ ოფიციალურმა ვებ-გვერდმა ოფიციალური განცხადება გაავრცელა...

სამეფო კლუბი ემშვიდობება საკალათბურთო გუნდის ლეგენდას, სერხიო როდრიგესს, რომელმაც მადრიდულ გრანდთან ერთად 17 ტიტულის მოგება შეძლო და ისტორიულ წარმატებებში უდიდესი წვლილი შეიტანა.

26 ივნისს, 14:00 საათზე, „რეალის“ პრეზიდენტი, ფლორენტინო პერესი დიდ ღონისძიებას გამართავს, სადაც ლეგენდას დაემშვიდობება და სათანადო პატივისცემას დააფიქსირებს.

უნდა აღინიშნოს, რომ როდრიგესის ანგარიშზე 2 ევროლიგაა და ამ მაჩვენებლით ის ისტორიაში ერთ-ერთი საუკეთესო კალათბურთელი გახლავთ.