იკერ კასილიასმა მადრიდის „რეალი“ მომდევნო სეზონშიც ყველა ტურნირის ფავორიტად დაასახელა.

„„რეალს“ მომდევნოს სეზონშიც ვერავინ გააჩერებს. ეს ეხება არამხოლოდ მომდევნო სეზონს, არამედ მომდევნო 5 წელიწადს.“

„ანჩელოტის უკვე შეკრული ჰყავს ძირითადი ბირთვი, რომელიც გადახალისებულია. დღეს გუნდში აღარ არიან რონალდუ და ბენზემა, მაგრამ არიან ვინისიუსი და ვალვერდე.“

„ამ ყველაფერს ემატება გამოჯანმრთელებული ტიბო კურტუა და კილიან მბაპე. მივიჩნევ, რომ ფრანგის სახით უდიდესი ძალა შეემატა გუნდს, რომელსაც ისედაც ძლიერი წინა ხაზი ჰყავდა.“

„რაც შეეხება ბელგიელ კარის დარაჯს, ის წლების საუკეთესო მეკარის სტატუსს ფლობს და ინარჩუნებს კიდეც.“