ესპანური გამოცემების ცნობით, მადრიდის „რეალმა“ ფერლან მენდის ახალი კონტრაქტი შესთავაზა, მაგრამ ფეხბურთელს არ მოსწონს პირობები, რომელიც ფლორენტინო პერესმა წამოაყენა.

მენდის მიმდინარე ხელშეკრულება 2025 წლის 30 ივნისს ეწურება, რაც იმას ნიშნავს, რომ ან ახალ კონტრაქტს უნდა მოაწეროს ხელი, ან გუნდი ამ ზაფხულსვე დატოვოს.

არსებული ცნობით, პერესი ფერლანს ხელფასს მხოლოდ 15%-ით უზრდის, რაც ფრანგის აზრით მიზერული მატებაა. ფერლანი „ბლანკოსისგან“ შემოსავლის 40%-ით ზრდას ითხოვს, ვინაიდან ის ერთ-ერთი ყველაზე დაბალანაზღაურებადი ფეხბურთელია.

ჯერ-ჯერობით უცნობია, შეცვლის თუ არა „მერენგების“ ხელმძღვანელობა პოზოციას, თუმცა თუ შეთანხმება ვერ შედგება, ფერლანის ამ ზაფხულს წასვლის შანსი გაიზრდება.