ედერ მილიტაო ბრაზილიის ნაკრებთან ერთად ვარჯიშობს. „რეალის“ მცველმა ჟურნალისტებთან ინტერვიუში განაცხადა, რომ ფიზიკური თვალსაზრისითი არანაირი პრობლემა აღარ აქვს.

„ახალ სეზონში სულ სხვა ედერს იხილავთ. ძალიან მიხარია, რომ საკლუბო სეზონის დასრულებამდე თვენახევრით ადრე ვარჯიში დავიწყე და მოედანზე გასვლის შესაძლებლობა მომეცა. ეს იყო მინი პრე-სეზონი, ახლა კი ბრაზილიის ნაკრებთან ერთად ვიმყოფები და 90 წუთიანი დატვირთვებისთვის მზად ვარ.“

„დარწმუნებული ვარ, კოპა ამერიკას შემდეგ კი უფრო კარგ ფორმაში ვიქნები და „ბლანკოსს“ მოწოდების სიმაღლეზე დავუბრუნდები. მომდევნო სეზონზე დიდ იმედებს ვამყარებ.“

„მჯერა, რომ ძალიან ბევრ მატჩში მივიღებ მონაწილეობას და ჩვეულ რიტმს დავუბრუნდები. ეს ჩემთვის მნიშვნელოვანია.“

„კოპა ამერიკას მოგების მჯერა. ბრაზილიას დიდი ხანია გამარჯვება არ დაუფიქსირებია, სწორედ ამიტომ, ახლა ოქროს მედლები უნდა მოვიპოვოთ, 2026 წელს კი მუნდიალი მოვიგოთ.“