ბრიტანული გამოცემების ცნობით, ხოსეპ გვარდიოლა მომდევნო სეზონისთვის განსაკუთრებულად ემზადება და არაერთი ხმაურიანი ტრანსფერის განხორციელება სურს.

„სიტის“ მიზანი ჩემპიონთა ლიგის ახალი ფორმატის პირველივე სეზონში გამარჯვებაა, „სიტი“ ასევე დიდი ენთუზიაზმით მოემზადება „ფიფას“ მსოფლიოს საკლუბო ჩემპიონატისთვის, გარდა ამისა დასაცავია პრემიერლიგის ტიტულიც.

„ქალაქელებს“ ამ ზაფხულს რამდენიმე მოთაშე დატოვებს, პეპს კი სურს, რომ უფრო ძლიერი მოთამაშეები მოიყვანოს და ყველა ტიტულზე გამოაცხადოს პრეტენზია.

170 მილიონი ევრო, რომელსაც მანჩესტერული მხარე მადრიდის „რეალისთვის“ ამზადებს კვლავ ძალაშია. გვარდიოლა როდრიგოს არ ეშვება და მიიჩნევს, რომ ზუსტად იცის, როგორ გახადოს ბრაზილიელი მოთამაშე საუკეთესო.

კოპა ამერიკას დასრულების შემდეგ „სიტის“ ხელმძღვანელობა „რეალს“ ოფიციალურად მიმართავს, გოეშის დარწმუნებას კი პირადად ხოსეპი ეცდება.