მაშ ასე, დადგა ფეხბურთის ქომაგებისთვის ნანატრი დღე, როდესაც ევროპის ჩემპიონატი სტარტს იღებს.

დღეიდან 1 თვის განმავლობაში ფეხბურთის გულშემატკივრებისთვის ნამდვილი ზეიმი იქნება.

აღსანიშნავია, რომ სამეფო კლუბს გერმანიაში გასამართ ტურნირზე საკმაოდ ბევრი ფეხბურთელი წარმოადგენს.

ესპანეთის ნაკრების ღირსებას დანიელ კარვახალი, ნაჩო ფერნანდესი და ხოსელუ მატო დაიცავენ.

ორელიან ჩუამენი, ფერლან მენდი, ედუარო კამავინგა და კილიან მბაპე საფრანგეთის ნაკრებს დაეხმარებიან.

ლუკა მოდრიჩი ხორვატიის ეროვნული გუნდის ღირსებას დაიცავს.

ანტონიო რუდიგერი და ტონი კროოსი ტურნირის მასპინძელ გერმანიის ნაკრებში იასპარეზებენ.

არდა გიულერი თურქეთს დაეხმარება, ხოლო ანდრეი ლუნინი უკრაინის ნაკრებს.

და ბოლოს, ჯუდ ბელინგემი ინგლისის ნაკრების ღირსებას დაიცავს. კეთდება პროგნოზები, რომლის მიხედვითაც, ეს სწორედ მადრიდელი ვარსკვლავის ჩემპიონატი უნდა იყოს.

წარმატებები მადრიდელ ფეხბურთელებს.