შუსტერი:„მბაპე „რეალში“ შექმნილ საშინელ პრობლემას ვერ უშველის“
ბერნდ შუსტერის აზრით, მადრიდის „რეალში“ ძალიან სერიოზული პრობლემა შეიქმნა, რასაც კლუბი არაერთხელ გადააწყდება.
„ახალი სეზონის დაწყების შემდეგ ყველა მიხვდება, რომ მადრიდის „რეალს“ ძალიან სერიოზული პრობლემა აქვს, მას კი ტონი კროოსის დაკარგვა ჰქვია. გერმანელი ექსტრა კლასის ნახევარმცველია, რომლის შეცვლასაც ფლორენტინო პერესი ვერ მოახერხებს. ერთადერთი მოთამაშე, რომელსაც ტონის შეცვლა შეუძლია როდრია, თუმცა ის „სიტიში“ დარჩება. ამის ღრმად მწამს, ვინაიდან გვარდიოლა სწორედ მასზე დგას.“
„კიმიხი? ვფიქრობ, შეცდომაა, როდესაც მას ნახევარდაცვაში იყენებენ, გერმანელი მარჯვენა მცველია და საუკეთესო ფეხბურთს, სწორედ დაცვის ფლანგზე თამაშობს. მას „რეალი“ არ დაიმატებს.“
„მბაპეს ტრანსფერი ძალიან მნიშვნელოვანია, მაგრამ კილიანი კროოსის დანაკლისს ვერ უშველის, ის წინა ხაზს გააძლიერებს, მაგრამ ნახევარდაცვაში არსებული დანაკლისის შევსება „მერენგებს“ ძალიან გაუჭირდებათ.“
„გახსოვთ, რა მოხდა „ბარსელონაში“, როდესაც ბუსკეტსმა გუნდი დატოვა? იგივეს ვიტყოდი სამეფო კლუბზეც.“
„ანჩელოტი ძალიან დიდი მწვრთნელია, მან იცის ვარსკვლავური სტატუსის მქონე ფეხბურთელებთან მუშაობა. ნუ დაგავიწყდებათ, რომ იტალიელმა აბსოლუტურად ყველა ტოპ ლიგაში იმუშავა და დიდ წარმატებებს მიაღწია.“
- 13 ივნისი 2024
- 8 490
- 5
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
