ესპანური და ფრანგული გამოცემების ცნობით, ნაჩო ფერნანდესმა მომავალთან დაკავშირებით გადაწყვეტილება მიიღო.

ჯერ-ჯერობით უცნობია, როდის გაოფიციალურდება აღნიშნული ინფორმაცია, თუმცა ცნობების მიხედვით, ნაჩოს მომავალი კლუბი „ალ იტიჰადი“ იქნება, რაც იმას ნიშნავს, რომ ნაჩეტეს და კარიმ ბენზემა თანაგუნდელები იქნებიან.

„რეალის“ კაპიტანმა მოსაფიქრებლად დროის გაგრძელება 2 კვირის წინ ითხოვა, ახლა კი როგორც ჩანს, გადაწყვეტილება მიიღო.

ესპანური გამოცემების ცნობით, ფლორენტინო პერესს ესპანელისთვის მოსაფიქრებელი ვადა 30 ივნისამდე აქვს მიცემული, თუმცა კაპიტანმა გადაწყვეტილება უკვე მიიღო.