კარლო ანჩელოტიმ ჟურნალისტებთან საუბრისას აღნიშნა, რომ მისი კლუბების პრეზიდენტებთან ურთიერთობაზე წიგნს დაწერს...

„„რეალი“ არის „რეალი“ და ამ კლუბში ძალიან დიდი ბედნიერება მაქვს. ეს არის ჩემი ცხოვრების კლუბი. „მილანს“ ცხოვრების დიდი ნაწილი დავუთმე, როგორც ფეხბურთელმა და როგორც მწვრთნელმა. ჩემთვის ეს გუნდი ძალიან ბევრს ნიშნავს.“

„ლუკა მოდრიჩი ხარისხისა და პიროვნების უნიკალური მაგალითია. ხორვატ ფეხბურთელს დიდ პატივს ვცემ.“

„„ბლანკოსში“ დიდ პატივს სცემენ ისტორიას და ტრადიციებს. აქ ლეგენდებს არასდროს ივიწყებენ, რაც ხშირ შემთხვევაში წარმატების საწინდარია.“

„ძალიან მაინტერესებს, როგორ ითამაშებს გერმანიის ნაკრები ევროპის ჩემპიონატზე. არ უნდა დავივიწყოთ, რომ ისინი საშინაო კედლებში არიან და უდიდესი მოტივაცია აქვთ.“

„ერთ დღეს აუცილებლად დავწერ წიგნს, რომელსაც ერქმევა მე და ჩემი პრეზიდენტები, სადაც აუცილებლად აღვწერ ურთიერთობას, რომელიც გუნდის მმართველებთან მქონდა.“

„როდესაც „ევერტონში“ დავინიშნე, სამწვრთნელო კარიერის დასრულება მიწინასწარმეტყველეს, შემდეგ კი „ბლანკოსში“ მოვედი და 2-ჯერ მოვიგე ჩემპიონთა ლიგა. არასდროს უნდა დანებდე და ყოველთვის პროფესიონალიზმით აკეთო ის, რაც შენთვის მნიშვნელოვანია.“

„იგივეს თქმა შემიძლია „ნაპოლიზეც“, თუმცა მაქსიმუმი გავიღე ნეაპოლიტანური კლუბისთვის და კარგი შედეგები მქონდა. სამხრეთელებს გრძელვადიანი გეგმა ჰქონდათ დასახული, რომელსაც ეტაპობრივად მივყვებოდით.“