კრიშტიანო რონალდუს თქმით, კარლო ანჩელოტი დიდ ფეხბურთში მინიმუმ 70 წლამდე უნდა დარჩეს...

„ანჩელოტი დიდ შეცდომას დაუშვებს, თუ „რეალი“ მისი ბოლო გუნდი იქნება. ადრე თუ გვიან სამეფო კლუბის და იტალიელი სპეციალისტის გზები გაიყრება, მაგრამ კარლიტომ სამწვრთნელო საქმიანობა უნდა გააგრძელოს.“

„ჩემი აზრით, ლეგენდარულმა მწვრთნელმა კარიერა მინიმუმ 70 წლამდე უნდა გააგრძელოს. მესმის, რომ ეს დიდი ფსიქოლოგიური წნეხია, მაგრამ გამოცდილება, რომელიც ანჩელოტის ათწლეულების მანძილზე დაუგროვდა, სტრესის მართვასაც მარტივს ხდის.“

„იტალიის ნაკრები? არ ვიცი, როგორ განვითარდება მოვლენები, მაგრამ კარლოს ნებისმიერი სტანდარტის დაკმაყოფილება შეუძლია.“

„თუ ანჩელოტი წავა, ის არამხოლოდ „რეალს“, არამედ საფეხბურთო სამყაროს დააკლდება, ეს კი არავის უნდა ესიამოვნოს.“