რამდენიმედღიანი დასვენების შემდეგ, მადრიდის „რეალის“ 3 ფეხბურთელი, დანიელ კარვახალი, ხოსელუ და ნაჩო ფერნანდესი „ფურია როხას“ შეუერთდა...

ჩემპიონთა ლიგის გამარჯვებულებმა ლუის დე ლა ფუენტე მოინახულეს და გუშინ გუნდთან ერთად პირველი ვარჯიში ჩაატარეს.

გამომდინარე იქედან, რომ ზემოაღნიშნულმა ფეხბურთელებმა საკლუბო დონეზე სეზონი ყველაზე გვიან დაასრულეს, მთავარმა მწვრთნელმა მათთვის მეტი დრო გამოყო დასვენებისთვის.

ევროპის ჩემპიონატის დაწყებამდე 1 კვირით ადრე, მადრიდისტები ეროვნულ გუნდში სრული დატვირთვით ვარჯიშს იწყებენ.