ოქროს ბურთისთვის ბრძოლაში ვინისიუს ჟუნიორი უკვე აბსოლუტური ფავორიტია.

ჩემპიონთა ლიგის ფინალის შემდგომი მონაცემებით, სამხრეთ-ამერიკელი ფეხბურთელი ოქროს ბურთის მოგების 61%-იან შანსს ფლობს.

მეორე ადგილზე ჯუდ ბელინგემია 23%-ით, თუმცა თუ ნახევარმცველი ინგლისის ნაკრებთან ერთად ევროპის ჩემპიონატს მოიგებს, მისი შანსები გაიზრდება.

მესამე პოზიციას კილიან მბაპე იკავებს 7%-ით, ხოლო მეოთხე პოზიციაზე ტონი კროოსია 6%-ით.

ხუთეულში ბოლო პოზიცია ერგება ჰარი კეინს, რომელსაც მხოლოდ 3%-იანი შანსი აქვს.