მაშ ასე, მრავალწლიანი საგა დასრულებულია. კილიან მბაპე ოფიციალურად გახდა მადრიდის „რეალის“ ფეხბურთელი...

კილიანი 1998 წელს საფრანგეთის დედაქალაქ პარიზში დაიბადა. ის „პსჟ“-ს რიგებში 6 წლის განმავლობაში ასპარეზობდა და ყველა შემთხვევაში საუკეთესო ბომბარდირის ჯილდო მიიღო. მბაპეს ანგარიშზე აწ უკვე გასულ სეზონსი ყველა ტურნირზე 44 გატანილი გოლი დაფიქსირდა.

„რეალის“ შეტევას გააძლიერებდს ძალიან ძლიერი ფორვარდი, საფრანგეთის ნაკრების კაპიტანი, რომელმაც 2018 წელს მსოფლიო ჩემპიონატის ოქროს მედალიც მოიპოვა, ხოლო 2021 წელს ერთა ლიგის, რომელშიც გამარჯვების გოლის გატანა შეძლო.

ყატარშ გამართულ 2022 წლის მსოფლიო ჩემპიონატზე მბაპემ ოქროს ბუცი მოიგო, ვინაიდან 8 გოლის გატანა შეძლო. ვერავინ დაივიწყებს კილიანის ჰეთ-თრიკს, რომელიც მან ფინალში შეასრულა.

„პსჟ“-ს რიგებში ყველა დროის საუკეთესო ბომბარდირი სწორედ კილიან მბაპეა, რომელმაც საბოლოო ჯამში 256 გოლს მოუყარა თავი, მის ანგარიშზე საფრანგეთის ჩემპიონატის არაერთ თასი და სუპერთასი. საერთო ჯამში კილიანმა პარიზელთა რიგებში 17 ტიტულის მოგება შეძლო.

ინდივიდუალურ დონეზე მბაპე 4-ჯერ მოხვდა „ფიფას“ საუკეთესო თერთმეტეულში, ასევე ოთხჯერ აღიარებულ იქნა „უეფას“ მიერ. გარდა ამისა, 2017 წელს მბაპემ მოიგო Golden Boy-ს ჯილდო.

მბაპეს ბავშვობის ოცნება მადრიდის „რეალში“ თამაში იყო, რომელიც მან 25 წლის ასაკში აიხდინა, ახლა კი სანტიაგო ბერნაბეუზე სრულიად ახალი ეპოქა იწყება.