ხოსელუ მატომ ჩემპიონთა ლიგის მოგების შემდეგ ჟურნალისტებთან ისაუბრა.

„ეს იყო ძალიან სანახაობრივი სეზონი, სადაც „რეალს“ არაერთი გამოწვევა ჰქონდა.“

„შეხედეთ ლუკას, ტონის, ნაჩეტეს და სხვებს. არასდროს არაფერია გვიანი. ფეხბურთში არასდროს უნდა დანებდე და შედეგს მიიღებ.“

„როდესაც „რეალში“ დავბრუნდი, ჩემპიონთა ლიგის მოგებაზე ვოცნებობდი. ახლა აქ ვარ და ჩემს საკუთრებაშია ოქროს მედალია. მიხარია, რომ „ბაიერნის“ წინააღმდეგ გატანილი გოლებით, ფინალში გასვლაში წვლილი შევიტანე. ამით ყოველთვის ძალიან ვიამაყებ.“

„ჩემპიონთა ლიგა ისე მოვიგეთ, რომ არცერთ შეხვედრაში არ დავმარცხებულვართ. ვფიქრობ, ეს საუკეთესო შედეგია.“

„დიდი მადლობა კარლო ანჩელოტის, რომელმაც ამ სეზონში არაერთხელ მომცა შანსი და ყველა შეხვედრაში მმატებდა თავდაჯერებულობას. ეს მნიშვნელოვანია.“

„„ბლანკოსი“ ყოველთვის იყო შთაგონება, რომელიც მაძლიერებდა. ამდენი წლის შემდეგ ბერნაბეუზე დავბრუნდი და ტიტულებით სავსე სეზონი მქონდა. ვერ გადმოვცემ სიტყვებს, რომელიც ამ ბედნიერებას აღწერს.“