სანაკრებო ბატალიების შემდეგ, მადრიდის "რეალის" ფრანგი ფორვარდი, კარიმ ბენზემა საკუთარ კლუბს დაუბრუნდა და ახლა ოსასუნასთან მატჩისთვის ემზადება. ფრანგმა ახალგაზრდამ RealMadrid.Com-ის ჟურნალისტებთან განაცხადა, რომ მისი გატანილი გოლი ბოსნიის ნაკრების კარგი უმნიშვნელოვანესი იყო, მისთვისაც და საფრანგეთის ეროვნული ნაკრებისთვისაც, რადგან "მამლებს" მსოფლიო ჩემპიონატზე განცდილი ფიასკოს შემდეგ ძალიან ცუდი რეპუტაცია აქვსთ...

"მსოფლიო ჩემპიონატის შემდეგ მე დავბრუნდი ეროვნულ ნაკრებში და გოლის გატანაც მოვახერხე, ძალიან გახარებული ვარ, რომ შევძელი ჩემი ნაკრების დახმარება. ეს გოლი ჩემთვისაც და გუნდისთვისაც ბევრს ნიშნავდა, საბოლოოდ ჩვენ მოვახერხეთ ბოსნიელების დამარცხება."

"ჩვენ ამჟამად გაცილებით უფრო გაწონასწორებულები ვართ, წინა კვირაში ბელორუსიის ნაკრებს დავუპირისპირდით და ცუდი შთაბეჭდილება დავტოვეთ, ახლა კიდე გაცილებით უკეთესი სიტუაციაა."

"საფრანგეთის ნაკრების მაისურის მორგება დიდ ფსიქოლოგიურ პრობლემებთანაა დაკავშირებული. მე ყველას დავეხმარები ვისაც გუნდში დებიუტი ახლა აქვს, სულ რაღაც 22 წლის ვარ, მაგრამ ეროვნულ ნაკრებში თამაშის გამოცდილება უკვე მაქვს და ვთვლი, რომ ლორან ბლანის გუნდში ფეხის კარგად მოსაკიდებლად და წარმატებული კარიერის ასაწყობად დაუღალავი შრომაა საჭირო."