მაშ ასე, ესპანეთის დედაქალაქში საყოველთაო მობილიზებაა. სრულიად მადრიდული სპორტული სამყარო „რეალის“ ჩემპიონობას აღნიშნავს...

„„რეალის“ ფეხბურთელები მადრიდში დღესვე დაბრუნდებიან, ხვალ კი „სიბელესზე“ გრანდიოზული ზეიმი მოეწყობა.

მადრიდში შესაბამისი სამზადისი უკვე მიმდინარეობს, რომელიც მთელი ღამის განმავლობაში გაგრძელდება.

„ბლანკოსის“ ფეხბურთელები კვლავ შეიკრიბებიან მადრიდის მერიასთან და სიტყვით მიმართავენ გულშემატკივრებს, შემდეგ კი გადაინაცვლებენ „სიბელესზე“ და ნამდვილ შოუს დადგამენ.

ზეიმის კულმინაცია კი სანტიაგო ბერნაბეუზე შედგება. თბილისის დროით 23:30 საათზე „მერენგები“ საშინაო არენაზე გულშემატკივრებს შეხვდებიან და მთელი ღამის განმავლობაში აღნიშნავენ მოპოვებულ თასს.