ბრიტანული გამოცემების ცნობით, როდრიგო გოეშის განცხადებები იმის შესახებ, რომ „რეალის“ გარდა არცერთ კლუბში თამაშზე არ ფიქრობს, მხოლოდ ჩემპიონთა ლიგის ფინალის მუხტის შენარჩუნებას უკავშირდება.

არსებული ცნობით, მბაპეს ტრანსფერის შემდეგ, როდრიგო წინადადებებს მოისმენს. მეტიც, პრემიერლიგის ორი გუნდი, ლონდონის „არსენალისა“ და მანჩესტერ „იუნაიტედის“ სახით,ბრაზილიელის მიმართ დიდ ინტერესს იჩენს.

„ოლდ ტრაფორდელები“ როდრიგოსთვის 170 მილიონი ევროს გადახდას აპირებენ და მიაჩნიათ, რომ ამხელა რიცხვი ფლორენტინო პერესს აუცილებლად დააფიქრებს.

მბაპეს გამადრიდელების შემდეგ გოეშის შანსი რა თქმა უნდა შემცირდება, ვინაიდან გუნდში ვინისიუს ჟუნიორი ხელშეუხებელია, მაგრამ ტურნირების სიმრავლიდან და მატჩების რაოდენობიდან გამომდინარე, სამხრეთ-ამერიკელს შანსები მაინც ექნება, სწორედ ამიტომ, მოთამაშემ ნაჩქარევი გადაწყვეტილება არ უნდა მიიღოს.