მადრიდის "რეალის" კაპიტანმა იკერ კასილასმა, განაცხადა, რომ სამეფო კლუბში ძალიან მეგობრული და თბილი სიტუაცია სუფევს, ეს კი ჟოზე მოურინიოს დამსახურებაა, რომელმაც თითოეული ფეხბურთელი ერთმანეთს დაახლოვა...

"ჟოზე არამხოლოდ შესანიშნავი მწვრთნელი, არამედ იდეალური ფსიქოლოგია, მან თითოეულ ფეხბურთელს აუხსნა, რომ გუნდისთვის ყველა მოთამაშე მნიშვნელოვანია. მოურინიო არის ადამიანი, რომელმაც "რეალის" ყველა ფეხბურთელი დაახლოვა ერთმანეთთან, ჩვენს გუნდში მეგობრული სიტუაცია სუფევს და ეს ძალიან ბევრს ნიშნავს."

"მე "რეალის" კაპიტანი ვარ და იმედი მაქვს ღირსეულად ვატარებ ამ წოდებას, ეს ტვირთი მე რაულისგან გადმომეცა, რომელმაც "ბლანკოსში" ლეგენდარული ეპოქა შექმნა, ეს ადამიანი ესპანეთის დედაქალაქში ყველას უყვარს, რადგან იგი ნამდვილი მადრიდისტაა და დღემდე მისთვის პირველი სამეფო კლუბია."

"ოსასუნასთან მატჩი ძალიან საპასუხისმგებლო იქნება, დღევანდელ ვარჯიშზე პორტუგალიელმა სპეციალისტმა გვითხრა, რომ პამპლონელებთან აუცილებლად უნდა გავიმარჯვოთ და კატალონიელებს არ მივცეთ მნიშვნელოვნად წინ წასვლის საშუალება, რადგან ბარსელონა ძალიან იშვიათად კარგავს ქულებს, მალიორკასთან ნათამაშები ფრე უკვე საკმარისია, ახლა გამარჯვებების დრო მოვიდა."

"ჩემპიონთა ლიგის სტარტი უკვე კარს არის მომდგარი და აუცილებელია პირველი თამაშის კარგად ჩატარება. ამსტერდამის აიაქსი ძლიერი გუნდია და მათი დამარცხება არ იქნება იოლი, თუმცა ჩვენ ვალდებულნი ვართ გავიმარჯვოთ. ჰოლანდიელებს ლუის სუარესი ჰყავთ, რომელიც გოლს გოლზე იტანს და ძალიან კარგ ფორმაშია, ჩვენ მცველებმა აუცილებლად უნდა გაანეიტრალონ ურუგვაელი შემტევი."