ნაჩო ფერნანდესმა ჩემპიონთა ლიგის ფინალთან დაკავშირებულ მედიადღეებზე ჟურნალისტებთან ისაუბრა.

„მადრიდის „რეალის“ კაპიტნობა ჩემთვის დიდი პატივია. მთელი ცხოვრება ამ კლუბს მივუძღვენი და არ ვიცი, რას ნიშნავს სხვაგან თამაში.“

„ვამაყობ, რომ გუნდის ნაწილი ვარ. ვამაყობ, რომ ამხელა სტატუსის მფლობელი გავხდი და ისტორიაში შევედი.“

„მომავალთან დაკავშირებით გადაწყვეტილება მიღებული მაქვს, ჩემპიონთა ლიგის ფინალში დაფიქსირებული შედეგი არაფერს შეცვლის. ყველაფერი პირველი ივნისის შემდეგ გაჟღერდება.“

„თამამად შემიძლია ვთქვა, რომ ეს სეზონი გამოწვევების მხრივ ჩემს კარიერაში ერთ-ერთი გამორჩეული იყო, ვინაიდან გუნდში ძალიან ბევრი პრობლემა შეიქმნა. ტრავმებმა ბევრჯერ შეცვალა გეგმები, მაგრამ ამან უფრო გაგვაერთიანა.“