ჯუდ ბელინგემმა მადრიდში ჩატარებული მედიის დღის ფარგლებში „უეფას“ ჟურნალისტებთან ჩემპიონთა ლიგაზე ისაუბრა.

„ახლა დროა, ემოციები გვერდზე გადავდოთ და მაქსიმუმი გავიღოთ ფინალის მოსაგებად. ჩვენ ვიცით, რამდენად მნიშვნელოვანი მატჩი გვაქვს ჩასატარებელი.“

„ეს არის ყველაზე საპასუხისმგებლო ეტაპი. მიხარია, რომ „რეალში“ გადმოსვლის პირველივე წელს ჩემპიონთა ლიგის ფინალში გავედი, ახლა კი საქმე ბოლომდე უნდა მივიყვანო.“

„თუ გოლს გავიტან, ჩემი აღნიშვნა მოკრძალებული იქნება, რადგან „ბორუსიას“ დიდ პატივს ვცემ, თუმცა მცირე ჟესტით მაინც გამოვხატავ, რადგან ეს ფინალია და არა რიგითი მატჩი.“

„ვოცნებობდი აქ თამაშზე და ეს ოცნება ავიხდინე, ახლა კი ჩემი ოცნება ოქროს მედლის მოპოვებაა, რომელიც ასევე უნდა ავიხდინო.“