კარლო ანჩელოტიმ მადრიდის „რეალის“ ოფიციალურ ვებ-გვერდს ინტერვიუ მისცა, სადაც ჩემპიონთა ლიგის მოახლოებულ ფინალსა და გუნდში არსებულ სიტუაციასთან დაკავშირებით ისაუბრა.

„წინ წლის ყველაზე მნიშვნელოვანი მატჩი გველის. ემოცია ძალიან დიდია, ისევე როგორც აღელვება, მაგრამ ვცდილობ, გამოვიყენო ეს მომენტი და დავტკბე, რადგან ჩემპიონთა ლიგის ფინალში ვიმყოფებით. ეს მართლაც საოცარი დღეებია.“

„მოხარული ვარ, რომ დიდი ბრძოლის შედეგად კიდევ ერთხელ მოვხვდი ფინალში. ჩვენი მეტოქე ძალიან ძლიერია, როგორც კოლექტიური თვალსაზრისით, ასევე ინდივიდუალურად. ვფიქრობ, „დორტმუნდმა“ ფინალში გასვლა დაიმსახურა, რადგან დიდი ბრძოლები გადაიტანა და ყველგან ცდილობდა მოწოდების სიმაღლეზე დგომას.“

„ჩვენს გუნდს აქვს დაბრკოლებების გადალახვის შესანიშნავი უნარი. სეზონის სტარტზე შემადგენლობაში უამრავი პრობლემა შეგვექმნა, მაგრამ ყურადღება და კონცენტრაცია არ შეგვიმცირებია. გუნდი გაერთიანდა და კონკურენტუნარიანობა შეინარჩუნა.“

„უდიდესი ენერგია გვაქვს. როდესაც ფეხბურთელები „რეალის“ მაისურს იცმევენ, ყოველთვის სხვა პასუხისმგებლობა იაზრებენ, ეს მათთვის ასევე დიდი ბედნიერებაა. სწორედ ამიტომ არის „ბლანკოსი“ მსოფლიოს საუკეთესო კლუბი.“

„ყოველთვის ვცდილობ მქონდეს მიზნები და კონკურეტული გეგმა მწვარვალების დასაპყრობად. ყოველთვის მაქსიმუმისთვის ვიბრძვი და სწორედ ამიტომ ვარ სამეფო კლუბის სათავეში.“

„ყოველთვის დიდ ყურადრებას ვაქცევ ბურთის გარეშე მუშაობას, ხოლო როცა ბურთი ჩვენ გვაქვს, ფეხბურთელებისთვის მაქსიმალური თავისუფლების მინიჭების მომხრე ვარ. არ შეიძლება მუდმივად ჩარჩოებში ყოფნა, ამით მოთამაშეებს შესაძლებლობების გამოვლენის საშუალება არ ეძლევათ, რაც სრულიად დაუშვებელია. წლებია ამ ფილოსოფიის მიმდევარი და გამტარებელი ვარ და მივიჩნევ, რომ თავისუფლებაზე მნიშვნელოვანი მოედანზე არაფერია.“