ბრიტანული გამოცემების ცნობით, მადრიდის „რეალი“ მანჩესტერ „სიტის“ მიმზიდველი წინადადებით მიმართავს.

ფლორენტინო პერესი მზად არის, როდრი სამშობლოში დააბრუნოს, ამისთვის კი 120 მილიონი ევრო გადაიხადოს.

როდრი გახლავთ ერთადერთი ფეხბურთელი, რომელსაც ფლორენტინო ტონი კროოსის შემცვლელად მოიაზრებს, სხვა შემთხვევაში „ბლანკოსი“ გერმანელის შემცვლელზე არ იზრუნებს.

როდრი გვარდიოლას გუნდის ერთ-ერთი მთავარი ფიგურაა, მაგრამ „სიტიში“ ჯერ ისიც კი არ იციან, რჩება თუ არა პეპი კოლექტივში.

უნდა აღინიშნოს, რომ ესპანელმა ნახევარმცველმა ამ სეზონში მხოლოდ პრემიერლიგაში 34 თამაში ჩაატარა, სადაც 8 გოლის გატანა და 9 საგოლე გადაცემის გაკეთება შეძლო, როდრი ასევე პროდუქტიული იყო ჩემპიონთა ლიგაზე, სადაც ჩატარებულ 8 შეხვედრაში 1 გოლი გაიტანა და 3-ჯერ საგოლე გადაცემით გამოირჩა.

პერესი 27 წლის ფეხბურთელისთვის 5 წლიანი კონტრაქტის შეთავაზებას აპირებს, სადაც ხელფასის სახით 12.5 მილიონი ევრო იქნება განსაზღვრული.

ტრანსფერის შემთხვევაში, ნახევარმცველი „ბლანკოსის“ ერთ-ერთ ყველაზე მაღალანაზღაურებადი ფეხბურთელის სტატუსს მოირგებს.