„მარკას“ ინფორმაციით, ნაჩო ფერნანდესმა მადრიდის „რეალს“ მოსაფიქრებლად დამატებით 10 დღე თხოვა.

ესპანელ ფეხბურთელს ფლორენტინო პერესისგან კონტრაქტის 1 წლით გახანგრძლივების შეთავაზება ოფიციალურად აქვს, თუმცა ჯერ ვერ ჩამოყალიბდა მომავალზე.

არსებული ცნობით, კაპიტანმა გუნდს აცნობა, რომ საბოლოო პასუხს ჩემპიონთა ლიგის ფინალის შემდეგ, მაქსიმუმ 3 ივნისამდე გამოაცხადებს.

მადრიდული გამოცემების ცნობით, ნაჩეტეს „ბლანკოსის“ დატოვება ძალიან უჭირს და შესაძლოა, დარჩენაზე თანხმობა განაცხადოს.