ხოსელუ მატოს მიმართ პრეტენზიას მანჩესტერ „იუნაიტედი“ აცხადებს, თუმცა ახალი ინფორმაციით, ესპანელ ფეხბურთელს კარიმ ბენზემას ამჟამინდელი გუნდი, „ალ იტიჰადი“ დაუკავშირდა.

საუდის არაბეთში ესპანელი პოპულარული გახდა. არსებული ცნობით, „ალ იტიჰადი“ ხოსელუს 2 წლიან კონტრაქტს და წლიურად 12 მილიონ ევროს სთავაზობს, რაც 5-ჯერ აღემატება თავდამსხმელის მადრიდულ სარგოს.

ესპანური გამოცემები იუწყებიან, რომ მოლაპარაკებების შანსი მართლაც არსებობს. ხოსელუს ასეთი ხელფასი კარიერაში არასდროს ჰქონია, შესაბამისად, შესაძლოა მატერიალურმა სიკეთეებმა გადამწყვეტი როლი ითამაშოს.