მადრიდის „რეალის“ პრეზიდენტის, ფლორენტინო პერესის დავალებით შესაბამის ჯგუფებს დავალება უკვე მიღებული აქვთ.

ტონი კროოსი „ბლანკოსიდან“ გრანდიოზულად უნდა გააცილონ.

„ბეტისთან“ დაპირისპირებაში ბერნაბეუ ფეხზე წამოდგება და გერმანელს დიდი ოვაციებით გააცილებს, თუმცა ჩემპიონთა ლიგის ფინალის შემდეგ ფლორენტინო პერესი დიდ ღონისძიებას გააკეთებს, სადაც კროოსს სათანადო პატივისცემას დაუფიქსირებს.

როგორც სერხიო რამოსის, მარსელოს და სხვების შემთხვევაში, კროოსიც დიდი აუდიტორიის წინაშე დაემშვიდობება გუნდს, სადაც გამოფენილი იქნება მისი ტიტულები, მადრიდული კარეირის ამსახველი კადრები და ასე შემდეგ.

მაღალი ალბათობით, კროოსის გაცილება იქამდე შედგება, სანამ ფეხბურთელი გერმანიის ნაკრებთან ერთად დაიწყებს ვარჯიშს.