მადრიდის „რეალის“ ოფიციალურმა ვებ-გვერდმა ტონი კროოსთან დაკავშირებით ოფიციალური განცხადება გაავრცელა...

მადრიდის „რეალი“ აცხადებს, რომ ტონი კროოსმა ევროპის 2024 წლის ჩემპიონატის დასრულების შემდეგ პროფესიონალური საფეხბურთო კარიერის დასრულება გადაწყვიტა.

„ბლანკოსს“ სურს მადლობა გადაუხადოს გერმანელ ფეხბურთელს გაწეული შრომისთვის და იმ ღვაწლისთვის, რომელიც „რეალის“ მიმართ აქვს. ტონი უკვე არის სამეფო კლუბის დიადი ისტორიის ნაწილი.

კროოსი მადრიდისტა 2014 წელს გახდა და მას შემდეგ 22 ტიტულის მოგება შეძლო, ის „ბლანკოსში“ 463 ჩატარებულ შეხვედრას მოითვლის.

„რეალის“ პრეზიდენტი ღიად აცხადებს, რომ ტონი მსოფლიო ფეხბურთის ისტორიის ერთ-ერთი საუკეთესო ნახევარმცველია, რომელმაც სრულად გაიზიარა ღირებულებები, რომელიც მადრიდულ გრანდში არსებობს, ის სრულად ერწყმოდა მიდგომებსა და ფილოსოფიას, რომელიც „ბლანკოსში“ წლების მანძილზე იკიდებდა ფეხს.