ხოსელუ მატოს მიმართ მადრიდის „რეალში“ სრული მხარდაჭერაა.

მთელ გუნდს სურს, რომ წინახაზელი მადრიდის „რეალის“ სადარაჯოზე დარჩეს.

იმ ფონზე, რომ გუნდს ზაფხულში ენდრიკ ფელიპე და კილიან მბაპე ემატებიან, ხოსელუს შანსები მნიშვნელოვნად მცირდება, თუმცა თავად თავდამსხმელი საბრძოლველად მზად არის.

„მარკას“ ინფორმაციით, მაისის ბოლომდე მატოს წარმომადგენლობა „ბლანკოსის“ გენ.დირექტორს შეხვდება.

იმისთვის, რომ ესპანელი ფორვარდი „ბლანკოსში“ დარჩეს, ფლორენტინო პერესმა გამოსასყიდი თანხა, 1.5 მილიონი ევრო უნდა გადაიხადოს.

შეგახსენებთ, ესპანელი ფორვარდის ანგარიშზე მიმდინარე სეზონში 18 გოლია, საიდანაც 10 ლა ლიგა მოდის, ხოლო დანარჩენი სხვა ჩემპიონატებზე, მათ შორის ჩემპიონთა ლიგაზე.