იმ შემთხვევაში, თუ ლენი იორო მადრიდის „რეალში“ არ გადავა, რაფა მარინის შანსები მნიშვნელოვნად იზრდება, სწორედ ამიტომ, ახალგაზრდა მადრიდისტა „რეალს“ ელოდება...

ის, რომ ნაჩეტე ფერნანდესი სეზონის ბოლოს გუნდს დატოვებს, ფაქტობრივად გადაწყვეტილია, სწორედ ამიტომ, „რეალში“ ცენტრალური მცველის საჭიროება აუცილებლად დადგება.

მარინი არცერთი კლუბის წინადადებას არ განიხილავს და „რეალს“ ელოდება. ფეხბურთელს იმედი აქვს, რომ ბერნაბეუზე თამაშს შეძლებს.

მარინმა ამ სეზონში საკმაოდ დიდი სათამაშო დრო მიიღო და დაამტკიცა, რომ უმაღლეს დონეზე თამაში შეუძლია.

რაფამ ამ სეზონში ლა ლიგის 32 და სამეფო თასის 2 შეხვედრაში მიიღო მონაწილეობა, ის „ალავესის“ ფაქტობრივად შეუცვლელ ფეხბურთელად ითვლება.