ფედერიკო ვალვერდემ „ალავესთან“ შეხვედრა შეაფასა და განაცხადა, რომ „რეალში“ განსაკუთრებული ატმოსფეროა.

„ჩვენ უკვე მოვიგეთ ლა ლიგა, რაც იმას ნიშნავს, რომ ყოველგვარი წნეხის გარეშე შეგვიძლია თამაში. ბერნაბეუზე ხალხმა ნამდვილი შოუ იხილა, სადაც „რეალმა“ რამდენიმე გოლის გატანა შეძლო. „ალავესი“ მომენტებს ქმნიდა და დასაფასებელია, რომ ძალიან სანახაობრივი და ლაღი ფეხბურთი ითამაშა.“

„ჩვენ არ გვაქვს ზეწოლა, ეს კი რა თქმა უნდა, გადამწყვეტ მნიშვნელობას იძენს.“

„ყოველთვის ვურტყამ, როდესაც ამის შესაძლებლობა მაქვს, ვინაიდან საკმაოდ კარგ დარტყმას ვფლობ და გოლების გატანა შემიძლია. ჩემი ოჯახი ბედნიერია, როდესაც მეტოქის კარის აღებას ვახერხებ.“

„ჩემპიონთა ლიგის ფინალისკენ ნაბიჯ-ნაბიჯ, ეტაპ-ეტაპ უნდა მივიდეთ და მაქსიმალური სიმშვიდე შევინარჩუნოთ, ვინაიდან ჩვენ სეზონის უმნიშვნელოვანესი დაპირისპირება გვაქვს წინ. რა თქმა უნდა, მთავარი მატჩი „დორტმუნდის“ წინააღმდეგ გვაქვს ჩასატარებელი.“

„ბელინგემს და ვინისიუს ჟუნიორს ერთმანეთთან ეფექტური კომუნიკაცია აქვთ, ისინი ხშირად ამწვავებენ შეტევებს და მეტოქისთვის დიდ საფრთხეს წარმოადგენენ.“

„დიახ, კარი კვლავ მშრალად შევინახეთ, ეს მართლაც ძალიან მნიშვნელოვანი შედეგია. დაცვაში კარგი თამაში ხშირად ხდება გამარჯვების საწინდარი.“