კარლო ანჩელოტიმ „ალავესის“ დამარცხების შემდეგ პრესკონფერენცია გამართა.

„ტიბო კურტუა შესანიშნავი იყო, ისევე როგორც ედერ მილიტაო. ისინი ყოველდღიურად პროგრესირებენ და ვთვლი, რომ ჩემპიონთა ლიგის ფინალისთვის ტოპ დონეზე იქნებიან.“

„ტონი კროოსის მომავალი? ამაზე არ ვღელავთ და გვჯერა, რომ ყველაფერი კარგად იქნება. ახლა გუნდის ყურადღება ჩემპიონთა ლიგის ფინალზეა გადატანილი.“

„არდა გიულერს უყვარს ბურთი, ბურთს კი არდა. ჩვენ ძალიან ბევრს ვხუმრობთ. ხანხახან ის გოლს მაშინაც იტანს, როდესაც არ იმსახურებს (იცინის). თანაგუნდელები თურქ ფეხბურთელს დიდ თანადგომას უცხადებენ.“

„კროოსის ოქროს ბურთი? თუ „რეალი“ ჩემპიონთა ლიგას მოიგებს, ხოლო გერმანია ევროპის ჩემპიონი გახდება, ამ ფეხბურთელს საუკეთესოდ დასახელების დიდი შანსი აქვს. ვფიქრობ, ახლა შანსები მცირეა, მაგრამ ტონი ამას იმსახურებს.“

„ლა ლიგაში 2 ტური გვაქვს დარჩენილი, ერთს ლუნინი ითამაშებს, მეორეს ტიბო კურტუა.“

„ჩემპიონთა ლიგის ფინალის შემდეგ მოდრიჩი და კროოსი ბევრ რამეს გახდიან ცნობილს, ისინი ახლა მხოლოდ „დორტმუნდზე“ ფიქრობენ.“

„სეზონის ყველაზე მნიშვნელოვანი დაპირისპირების ჩატარება „უემბლიზე“ გვიწევს. დიახ, ძალიან მნიშვნელოვანი იყო „ელ კლასიკოები“ და „სიტისთან“ დუელი, თუმცა უმთავრესი ჩემპიონთა ლიგის ფინალია.“