კილიან მბაპე საფრანგეთის ჩემპიონატის საუკეთესო ფეხბურთელად დასახელდა. გალა ღონისძიების დროს ფრანგმა ფეხბურთელმა კიდევ ერთხელ განაცხადა, რომ „პსჟ“-ს ემშვიდობება და ახალი კლუბი მისთვის დიდი გამოწვევაა.

„არ მეგონა, თუ ასეთი ამაღელვებელი იქნებოდა წასვლა, თუმცა მე მჭირდებოდა ახალი გამოწვევა და ახალი კლუბი ძალიან ამაღელვებელი იქნება. დარწმუნებული ვარ, განვითარების გზაზე კიდევ ბევრ მწვერვალს დავიპყრობ.“

„მამაჩემს ძალიან სურდა ეპოქა შემექმნა და ვთვლი, რომ ეს შევძელი. „პსჟ“-ში ძალიან მაფასებენ და დიდი სიყვარული მივიღე, ამ კლუბს არაერთი ლამაზი წელი მივუძღვენი.“

„აქაურობა ძალიან მომენატრება, მადლობას ვუხდი კლუბს, პრეზიდენტს და ყველა თანაგუნდელს.“

„ცხოვრების ახალ ეტაპზე ვეცდები, ყველა გამოწვევას სათანადო პასუხი გავცე.“