კარლო ანჩელოტიმ „ალავესთან“ დაპირისპირების წინ პრესკონფერენცია გამართა...

„ჩვენ უკვე ჩემპიონები ვართ, მაგრამ ლა ლიგის დარჩენილი შეხვედრები ტემპის შესანარჩუნებლად ძალიან გვჭირდება.“

„როტაცია კვლავ იქნება. ვინც „გრანადასთან“ ითამაშა ახლა დასვენების საშუალება მიეცემა. ვეცდები, კარგი თერთმეტეული დავაკომპლექტო.“

„კურტუას და მილიტაოს გაცილებით მეტი დრო ექნებათ, რადგან მათ სჭირდებათ სათამაშო წუთები. ორივემ უდიდესი ტრავმა დაამარცხა.“

„რომელი მეკარე ითამაშებს ჩემპიონთა ლიგის ფინალს ინგლისში? ამას მაისის ბოლოს გადავწყვეტ.“

„შანსი ბელინგემს და საუკეთესო ბომბარდირობა? ამაზე საერთოდ არ ვფიქრობთ, მან დავალებები გადაჭარბებით შეასრულა. ჯუდი სათამაშო წუთებს მიიღებს, თუმცა ლიმიტირებულად. ბომბარდირობის გამო ბევრ რამეს ვერ გავრისკავთ.“

„ლუნინი და კეპა ლა ლიგის დასრულებამდე თითო-თითო შეხვედრაში მიიღებენ მონაწილეობას.“

„ნაჩოს მომავალი მის ხელშია. გადაწყვეტილება კაპიტანმა უნდა მიიღოს.“

„კურტუა მსოფლიოს საუკეთესო მეკარეა. ამაზე კამათი არ ღირს.“

„მბაპე „პსჟ“-ს ოფიციალურად დაემშვიდობა, რაც იმას ნიშნავს, რომ მისი მომავლის შესახებ მალე ყველა გაიგებს. მე არ ვსაუბრობ სხვა ფეხბურთელებზე.“

„ამ სეზონში ფრან გარსიას როლი ძალიან დიდი იყო. შესაძლოა სეზონის მეორე ნაწილში ის ბევრს არ თამაშობდა, მაგრამ საბოლოო ჯამში პოზიტიური გამოსვლები ჰქონდა.“

„„რეალის“ ფეხბურთელები, რომლებსაც მწვრთნელობას ვუწინასწარმეტყველებ? ვფიქრობ, კროოსი, მოდრიჩი, ნაჩო, სებალიოსი და კარვახალი კარგი მწვრთნელები იქნებოდნენ.“

„ახლა პრესკონფერენციებს ზეწოლის გარეშე ვმართავ, რადგან ლა ლიგა უკვე მოვიგე, თუმცა ზეწოლის დროც მოვა. მე ვიცი, რას ნიშნავს „რეალის“ მწვრთნელობა და რამხელა პასუხისმგებლობასთან არის ეს დაკავშირებული, თუმცა უბედნიერესი ვარ. ამაზე კარგი ადგილი არ არსებობს.“

„მილიტაოსთვის სათამაშო წუთების მიცემა სასიცოცხლოდ მნიშვნელოვანია, ის პროგრესირებს.“

„ჩუამენი აღდგენით პროცესს გადის. ფრანგი ფეხბურთელის თამაში ფინალში გამორიცხული არ არის. ვნახოთ, როგორ განვითარდება მისი პროგრესი.“