ბრაჰიმ დიასმა „გრანადასთან“ შეხვედრის შემდეგ ჟურნალისტებთან ისაუბრა.

„ჩემი საუბარი უნდა დავიწყოთ „გრანადას“ ფეხბურთელების მხარდჭერით. ამ გუნდს ჰყავს შესანიშნავი ფეხბურთელები, რომლებიც ასევე ძალიან მიმზიდველ და ლამაზ სტადიონზე თამაშობენ. ისინი ვალდებულები არიან ყველაფერი გაიღონ იმისთვის, რომ 1 წელიწადში ლა ლიგაში დაბრუნდნენ, რადგან ეს გუნდი და მისი არენა სჭირდება ესპანეთის ჩემპიონატს.“

„ჩემპიონთა ლიგის დამღლელი მატჩის შემდეგ გუნდში როტაცია განხორციელდა, თუმცა ფაქტია, რომ „ლოს კარმენესზე“ ყველაფერი „რეალის“ კარნახით წარიმართა და აქტივში მორიგი 3 ქულა ჩავიწერეთ. ჩემი გოლი ვინისიუსს მივუძღვენი, რომელმაც მატჩის დაწყებამდე რჩევები მომცა.“

„ამ სეზონში 12 გოლის გატანა და 7 საგოლე გადაცემის გაკეთება შევძელი. ვფიქრობ, ეს მცირე მაჩვენებელი არ არის. მომდევნო ტურებში ვეცდები სტატისტიკა კიდევ უფრო გავაუმჯობესო. თავს საჭირო მოთამაშედ ვთვლი.“

„მადრიდში ახლო მეგობრები არ ვართ, ჩვენ ერთი ოჯახი ვართ. სწორედ ეს არის მადრიდული გრანდის წარმატების საიდუმლო. ანჩელოტის გასახდელში ბრწყინვალე სიტუაცია აქვს ჩამოყალიბებული. ჩვენ ერთად დიდ დროს ვატარებთ, შესაძლოა მეტსაც, ვიდრე საკუთარ ოჯახებში.“

„მოუთმენლად ველი „სიბელესზე“ ლა ლიგის თასის აღმართავს. ადრე ჩემპიონი გავხდი, თუმცა კოვიდ პანდემიის გამო აღნიშვნა ვერ მოხერხდა. ახლა სხვა სიტუაციაა და მსოფლიოს საუკეთესო გულშემატკივრებთან ერთად დიდ ზეიმს მოვაწყობთ.“