სამეფო კლუბის ფეხბურთელებმა ჩემპიონთა ლიგის ნახევარფინალის განმეორებითი დაპირისპირებისთვის მზადება დაასრულეს.

დავიდ ალაბას გარდა კარლო ანჩელოტის განკარგულებაში აბსოლუტურად ყველა ფეხბურთელი იყო.

სამწვრთნელო შტაბმა დიდი ყურადღება დაუთმო ბურთის ფლობის კომპონენტს, ტაქტიკურ მონახაზებს, კარში დარტყმებს, პრესინგს და მოკლე სივრცეში ზუსტ თამაშს.

სრულ დატვირთვას იღებს ტიბო კურტუაც, რომელიც მეკარეთა მწვრთნელთან ერთად განსაკუთრებულად ვარჯიშობს.

შეგახსენებთ, „რეალი“ „ბაიერნს“ ხვალ, 8 მაისს, თბილისის დროით 23:00 საათზე უმასპინძლებს.