სამეფო კლუბის ფეხბურთელებმა ჩემპიონთა ლიგის 1/2 ფინალის განმეორებითი დაპირისპირებისთვის მზადება დაიწყეს, რომელიც სანტიაგო ბერნაბეუზე უნდა გაიმართოს.

დღევანდელ სესიაზე კარლო ანჩელოტიმ დიდი ყურადღება დაუთმო ფიზიკური კონდიციების გაუმჯობესებას.

„კადისთან“ მატჩში სასტარტო შემადგენლობაში მყოფი ფეხბურთელები დღეს აღდგენითი პროცესით დაკავდნენ, დანარჩენებმა კი სრულფასოვანი დატვირთვა მიიღეს.

აქცენტი გაკეთდა ბურთის ფლობაზე, პრესინგზე, კარში დარტყმების კომპონენტსა და ტაქტიკურ მონახაზებზე.

დავიდ ალაბა აღდგენით პროცესს განაგრძობს, დანარჩენები კი სრულ დატვირთვას იღებენ.

ხვალ „მერენგები“ კიდევ ერთ სესიას ჩაატარებენ.