როდრიგო გოეშმა „ბაიერნთან“ მატჩის შემდეგ ჟურნალისტებთან ისაუბრა...

„რა თქმა უნდა, გამარჯვება უნდა გაგვახარებდა, მაგრამ ფრე ლოგიკური და საკმაოდ კარგი შედეგია. ყველაფერი სანტიაგო ბერნაბეუზე უნდა გადაწყდეს. მჯერა ბერნაბეუს მაგიური ღამეების, ჩვენი გულშემატკივრების დიდი მხარდაჭერის და ფინალში გასვლის. ჩვენ ბოლომდე ვიბრძოლეთ, „ბაიერნმა“ კი ძალიან მაღალი დონის ფეხბურთი შემოგვთავაზა.“

„მარჯვნიდან ბევრს ვუტევდი, შემდეგ მარცხნივ გადავინაცვლე და ტონი კროოსს დახმარება ვთხოვე, ის პასებით მამარაგებდა.“

„ის, რასაც ტონი მოედანზე აკეთებს უბრალოდ საოცარია. ფეხბურთის უდიდესი უსამართლობა იქნება, თუ გერმანელი კარიერას დაასრულებს. მისი წასვლა არაფრით არ შეიძლება.“

„ვინისიუსთან პოზიციას ხშირად ვცვლიდი, ჩვენ ამ სქემებს ვარჯიშებზე რა თქმა უნდა, ვამუშავებთ და ვცდილობთ, „რეალის“ შეტევა ყოველთვის მოწოდების სიმაღლეზე იდგეს.“

„ჩემპიონთა ლიგის მატჩებში გუნდს უდიდესი გამოცდილება აქვს. ჩვენ გვჯერა წარმატების.“