კარლო ანჩელოტიმ „ბაიერნთან“ მატჩის შემდეგ პრესკონფერენცია გამართა.

„მე ვფიქრობ, რომ მიუნხენის „ბაიერნმა“ სეზონის საუკეთესო თამაში ჩაატარა და ეს მატჩის შემდეგ ტომას ტუხელთანაც აღვნიშნე. „რეკორდმაისტერს“ საოცარი გამოსვლა ჰქონდა, ჩვენ კი საუკეთესო ნამდვილად არა. ფაქტია, რომ მიუნხენურმა გრანდმა საუკეთესო ვერსიის წარდგენის ფონზეც კი ვერ მოგვიგო, ეს მაძლევს იმედს და მჯერა, რომ სანტიაგო ბერნაბეუზე „რეალი“ მოწოდების სიმაღლეზე იდგება.“

„ჯუდ ბელინგემი სრულფასოვნად მზად არ იყო, სწორედ ამიტომ, ინგლისელი ფეხბურთელის შეცვლა გადავწყვიტე.“

„2 გოლი გავუშვით, რაც ძალიან რთული იყო, მაგრამ გონს მოვეგეთ და წონასწორობის აღდგენა შევძელით.“

„პირველ ტაიმში „რეკორდმაისტერი“ ძალიან აგრესიული იყო, თუმცა მეორე ტაიმი ჩვენ გაცილებით მაღალ დონეზე ჩავატარეთ.“

„გულშემატკივართა როლი მნიშვნელოვანია. ბერნაბეუზე ბოლომდე დავიხარჯებით და ვეცდებით, რომ დაწყებული გზა ბოლომდე მივიყვანოთ. ჩვენ უნდა შევძლოთ ფინალში გასვლა და შემდეგ გამარჯვება.“

„სანეს გოლი? რა თქმა უნდა, „ბლანკოსის“ ფეხბურთელებს არ გავაკრიტიკებ, მაგრამ შეცდომა დავუშვით. ეს გოლი დაცვაში უყურადღებო ასპარეზობას მოყვა. ლეროის ამხელა სივრცე არ უნდა მისცემოდა.“

„ტონი კროოსი მართავს ბურთს, მოედანს და თანაგუნდელებსაც კი. ის ფანტასტიკური ფეხბურთელია.“