ლეონ გორეცკამ „ბაიერნის“ ოფიციალურ ვებ-გვერდთან ინტერვიუში მადრიდის „რეალზე“ ისაუბრა.

„მჯერა „რეალის“ დამარცხების და რაღაც უნიკალურის დაწყების. ვიცი, რომ „ალიანც არენაზე“ თუნდაც დამაჯერებელი ანგარიშით დამარცხება ვერ იქნება ფინალში გასვლის გარანტი, თუმცა ჩვენ წინ დიდი ნაბიჯი უნდა გადავდგათ.“

„„რეალი“ ურთულესი მეტოქეა და ეს წლების მანძილზე მტკიცდებოდა, თუმცა „ბაიერნისთვის“ დაუძლეველი ბარიერი არ არსებობს.“

„მახსოვს ჩემი პირველი შეხვედრა სამეფო კლუბთან, ბერნაბეუზე ჩატარებული საოცარი საღამო და ემოციები, რომელიც „შალკეში“ თამაშის დროს შევიგრძენი. ეს ძალიან მნიშვნელოვანი ეტაპი იყო, ახლა კი „რეკორდმაისტერის“ რიგებში ვარ და ჩემპიონთა ლიგის მოგება მსურს.“

„გასახდელში დიდი პოზიტივი იგრძნობა, რაც ლონდონის „არსენალთან“ გამარჯვებამ მოიტანა. ჩვენ ბუნდესლიგაში ცუდი შედეგები ვაჩვენეთ, მაგრამ თუ ჩემპიონთა ლიგის მოგებას შევძლებთ, სეზონი ნამდვილად წარმატებულად შეფასდება.“