კარლო ანჩელოტიმ „სოსიედადთან“ დაპირისპირების შემდეგ პრესკონფერენცია გამართა.

„მიუხედავად იმისა, რომ საუკეთესო თამაში არ გვიჩვენებია, გუნდმა ბოლომდე იბრძოლა. აქ სასეირნოდ არ ჩამოვსულვართ, ვინაიდან სასწორზე მნიშვნელოვანი 3 ქულა იდო. მადლობა შეგირდებს, ისინი ბოლომდე დაიხარჯნენ და გამარჯვებას მიაღწიეს. გადავწყვიტე, შემადგენლობაში კორექტირებები შემეტანა.“

„არდას, სებალიოსს, მილიტაოს და ფრანს სეზონის განმავლობაში დიდი დრო არ ჰქონიათ, მაგრამ ახლა ყველა მოწოდების სიმაღლეზე იდგა.“

„გუნდმა კვლავ ისე გაიმარჯვა, რომ კარის მშრალად შენახვა შეძლო. ეს მნიშვნელოვანია.“

„არდას თამაშით ძალიან კმაყოფილი ვარ. თურქს პროგრესი აქვს და მადრიდულ გარემოს ბრწყინვალედ ეგუება. გიდასტურებთ, ის ახალ სეზონში გუნდთან ერთად ითამაშებს, გიულერის წასვლას არ განვიხილავთ.“

„ჩემპიონთა ლიგის 1/2 ფინალში ურთულესი მეტოქე გვყავს. „ბაიერნს“ ბუნდესლიგასი კარგი სიტუაცია არ აქვს, მაგრამ ფაქტია, რომ ევროსარბიელზე ძალიან სტაბილურია. ტუხელის განკარგულებაში მსოფლიო დონის ვარსკვლავები არიან.“

„ლა ლიგა ჯერ კიდევ არ არის მოგებული, თუმცა ტიტულთან ერთ ნაბიჯში ვართ.“