ლუკას ვასკესმა განვლილი „ელ კლასიკო“ შეაფასა...

„ძალიან ბედნიერი ვარ, რომ „სიტისთან“ მომქანცველი დაპირისპირების შემდეგ, „ელ კლასიკოც“ მოწოდების სიმაღლეზე ჩავატარეთ. დიდი მადლობა გულშემატკივრებს, მათი როლი მართლაც უდიდესი იყო და მივიჩნევ, რომ ბერნაბეუზე შეკრებილი პუბლიკა ამ 3 ქულას იმსახურებდა.“

„მატჩის დასრულებამდე 5 წუთი იყო დარჩენილი, თანაგუნდელები კი ერთმანეთს ეუბნებოდნენ - „წავიდეთ გოლისკენ, ჩვენ ეს შეგვიძლია“, ეს არის კიდევ ერთი დიდი რწმუნება იმისა, რომ „ბლანკოსს“ მხოლოდ მაქსიმუმი აკმაყოფილებს.“

„გუნდს ჰქონდა ფანტასტიკური კვირა და უდიდესი დატვირთვა, ახლა კი მცირე განტვირთვისა და „სოსიედადთან“ მატჩისთვის მომზადების დროა.“

„არ ვიცი რა მოხდება ნაჩო ფერნანდესთან დაკავშირებით, თუმცა ის გუნდის ლეგენდაა და პატივისცემას იმსახურებს.“

„ჩემი კონტრაქტი? ახლა მხოლოდ სეზონის წარმატებით დასრულებაზე ვარ კონცენტრირებული.“

„„ბაიერნთან“ დაპირისპირებას მადრიდის „რეალი“ დიდი თავდაჯერებულობით და შემართებით შეხვდება, ჩვენ ვაცნობიერებთ, რომ სასწორზე ფინალის საგზური დევს.“