იმ შემთხვევაში, თუ ფერლან მენდი „რეალთან“ ახალ კონტრაქტზე შეთანხმებას ვერ მიაღწევს, ზაფხულის სატრანსფერო ფანჯრის დროს სამეფო კლუბს დაემშვიდობება, რადგან 2025 წლის 30 ივნისს თავისუფალი აგენტი ხდება...

თუ განაპირა მცველი ახალ კონტრაქტს ხელს არ მოაწერს, მას ახალი კლუბის პრობლემა არ ექნება. მენდის მიმართ სხვადასხვა დროს არაერთ კლუბს აქვს ინტერესი გამოხატული.

ესპანური გამოცემების ცნობით, ფერლანის ირგვლივ განვითარებულ მოვლენებს განსაკუთრებული ყურადღებით აკვირდებიან მანჩესტერ „იუნაიტედი“ და „ნიუქასლი“.

„მარკას“ ინფორმაციით, რამდენიმე კვირაში მარცხენა მცველი სამეფო კლუბის ხელმძღვანელობას შეხვდება და მომავალზე იმსჯელებს.

საყოველთაოდ ცნობილია, რომ მენდი „ბლანკოსში“ ხელფასის მომატებას ითხოვს, ვინაიდან კლუბში ერთ-ერთი ყველაზე დაბალანაზღაურებადი ფიგურაა.