ჩავი:„სასწორზე ლა ლიგის თასი დევს, ჩვენ მხოლოდ გამარჯვება გვჭირდება“
ჩავი ერნანდესმა „რეალთან“ დაპირისპირების წინ პრესკონფერენცია გამართა...
„ვფიქრობ, წინ სეზონის ყველაზე მნიშვნელოვანი მატჩი გველის, რომლის მოგების შემთხვევაშიც, „რეალთან“ სხვაობა 5 ქულამდე შემცირდება და ზეწოლას გავზრდით. ეს არის ჩვენი რეალური შანსი, რომელიც უნდა გამოვიყენოთ.“
„ბევრი ამბობს, რომ „რეალს“ „სიტისთან“ გაუმართლა, მაგრამ მე ვიტყოდი, რომ ანჩელოტის გუნდმა ბევრი იმუშავა და ისე გავიდა ჩემპიონთა ლიგის 1/2 ფინალში.“
„მანჩესტერ „სიტი“ წლების მოწოდების სიმაღლეზე დგას, მაგრამ ბოლო 3 წელიწადში „რეალმა“ 2-ჯერ გამოთიშა ეს გუნდი ევროტურნირს და ეს ბევრ რამეზე მეტყველებს.“
„დარწმუნებული ვარ, სამეფო კლუბი „ელ კლასიკოს“ ამაღლებული განწყობით ხვდება.“
„თუ საკუთარ ხასიათს გამოვავლენთ, „რეალის“ დამარცხებას შევძლებთ, ჩვენ გვაქვს შესაბამისი ხარისხი და გვჯერა წარმატების, სწორედ ამიტომ, ბერნაბეუზე მთავარი მიზანი 3 ქულაა, მოგების გარეშე ვეღარაფერზე ვიფიქრებთ.“
„გიუნდოგანთან დაკავშირებით პრობლემა არ არსებობს, გუნდში ერთსულოვნებაა.“
„სასწორზე ლა ლიგის თასი დევს, ამას კარგად ვაცნობიერებთ და ვხვდებით, რომ 21 აპრილის საღამო გადამწყვეტი იქნება.“
- 20 აპრილი 2024
- 3 283
- 7
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
