მრავალსაათიანი ფრენის შემდეგ მადრიდის „რეალის“ ფეხბურთელები ესპანეთის დედაქალაქში დაბრუნდნენ...

გუნდი ძალიან დაღლილია, „სიტის“ ფეხბურთელებთან 120 წუთიანმა ბრძოლამ შედეგი გამოიღო, თუმცა უდიდესი ენერგიის ხარჯზე.

კარლო ანჩელოტი ფიზ.მომზადების მწვრთნელებთან ერთად სერიოზული სამუშაოების ჩატარებას გეგმავს, ვინაიდან სულ რაღაც 3 დღეში „მერენგებს“ კატალონიის „ბარსელონასთან“ მოუწევთ „ელ კლასიკოს“ გამართვა.

დღის გეგმა იტალიელს არ გაუსაჯაროვებია, თუმცა არსებობს დიდი ალბათობა იმისა, რომ ფეხბურთელებმა დღეს დაისვენონ და კვირის მატჩისთვის მზადება ხვალიდან დაიწყონ.