ფედერიკო ვალვერდემ „სიტისთან“ მატჩის შემდეგ კომენტარი გააკეთა...

„ეს იყო დემონსტრირება იმისა, რომ „რეალი“ არასდროს ნებდება და კოლექიურ პასუხისმგებლობას შესანიშნავად იზიარებს. ვულოცავ ანდრეი ლუნინს, რომელიც ბერნაბეუზე თამაშის შემდეგ გააკრიტიკეს. უკრაინელმა კიპერმა კიდევ ერთხელ აჩვენა საკუთარი კლასი და შემართება. მან უდიდესი როლი ითამაშა გამარჯვებასა და მომდევნო ეტაპზე გასვლაში.“

„დიახ, „სიტი“ ფავორიტის სტატუსს ფლობდა, უკეთესადაც თამაშობდა, მეტ მომენტს ქმნიდა და ცდილობდა გოლის გატანას, მაგრამ ჩვენ ვართ „რეალი“ და სწორედ ამან განაპირობა 1/2 ფინალის საგზურის მოპოვება.“

„ჩვენ დიდი ენერგია დავხარჯეთ, „სიტი“ არასდროს ჩერდება. ბევრს უტევს და ფეხბურთელების დიდი რესურსი აქვს. რა თქმა უნდა, ურთულესი ამოცანის წინაშე ვიდექით.“

„ჯუდი, ვინისიუსი და როდრიგო შეტევაში წარმოუდგენლად ეფექტურები არიან, მაგრამ საქმე, რომლებიც მათ დაცვაში გააკეთეს ფასდაუდებელია. „რეალი“ ძალიან ერთიანი იყო და ამით ვამაყობ.“