კარლო ანჩელოტიმ „სიტის“ დამარცხების შემდეგ პრესკონფერენცია გამართა...

„ვამაყობ მთელი გუნდით. ჩვენ გვქონდა მკაფიო მიზანი და კონცეფცია, რომელსაც ბოლომდე მივყევით და მსოფლიოში ყველაზე რთულად დასამარცხებელი გუნდი დავტოვეთ ტურნირსგარეთ. გვარდიოლასთან საუბრისას აღვნიშნე, რომ მის გუნდთან მოგება არნახულ ძალისხმევას უკავშირდება და ეს ყველაფერი სწორედ პეპის დამსახურებაა.“

„მოქმედი ჩემპიონების დამარცხება შევძელით, ახლა კი მიუნხენის „ბაიერნთან“ მოგვიწევს უძლიერესის გარკვევა. ჩვენ დიდი გამოწვევის გადალახვა მოგვიწევს.“

„დიახ, პეპ გვარდიოლას ვესაუბრე, მან გამარჯვება მომილოცა და მითხრა კიდეც, რომ „რეალი“ ჩემპიონთა ლიგის ფავორიტია.“

„გოლი მალევე გავიტანეთ, რამაც მეტი მოტივაცია და დამაჯერებლობა მოგვცა. მანჩესტერულ გრანდს უდიდესი რესურსი აქვს. დამატებით დროში პეპმა საოცარი ვარსკვლავები გამოიყვანა მოედანზე, რომლებიც ენერგიით სავსეები იყვნენ, ჩვენ ურთულესი ამოცანა გადავჭერით.“

„პენალტების სერია ძალიან ეფექტური იყო. მოდრიჩის გაფუჭებული პენალტის შემდეგ სიმშვიდე არ დამიკარგავს და ფეხბურთელებს სრული ნდობა გამოვუცხადე. რუდიგერისგან მსგავსი შესრულება მართლაც საოცარი იყო.“