ბერნარდუ სილვამ „რეალთან“ მატჩის წინ პრესკონფერენცია გამართა, სადაც მეტოქე შეაფასა.

„შარშან მადრიდის „რეალს“ ბენზემა ჰყავდა, წელს კი ამ გუნდმა ფრანგი დაკარგა, თუმცა ბევრად უფრო ძლიერი ჩანს, ვიდრე შარშან იყო. როგორც ჩანს, კარლო ანჩელოტიმ დიდი სამუშაო გაატარა და ბერნაბეუზეც დაგვიმტკიცა, რომ ძალიან ძლიერი კოლექტივი ჰყავს.“

„მოდრიჩი და კროოსი? ის არამხოლოდ 1 წლის, არამედ 15 წლის განმავლობაში აჩვენებენ, რომ განსაკუთრებულად სტაბილური მოთამაშეები არიან. ალბათ ისინი ბევრი ფეხბურთელის შთაგონების წყაროს წარმოადგენენ. ყოველთვის დიდი ფუფუნებაა გუნდში ასეთი დონის ფეხბურთელების ყოფნა.“

„მიუხედავად იმისა, რომ „ბლანკოსის“ მიმართ დიდი პატივისცემა გვაქვს, თავდაჯერებულობა არ გვაკლია და მივიჩნევთ, რომ ჩემპიონთა ლიგის 1/2 ფინალში უნდა გავიდეთ.“

„ჩვენ შეგვიძლია ჩემპიონთა ლიგის ზედიზედ მეორედ მოგება. სულ ცოტა ხნის წინ სამეფო კლუბმა ჰეთ-თრიკის შესრულება შეძლო, ჩვენთვის ეს დამატებითი მოტივაციაა.“

„შურისძიება? ბუნებრივია, „მერენგებს“ გამარჯვება და შარშანდელის გამო პასუხის გაცემა სურთ, მაგრამ ჩვენ ამას ვერ დავუშვებთ.“